Зорилго

“Ногоон Монголын Төлөө” кампанит ажлын энэхүү платформ нь хувь хүн, байгууллагын түвшинд Байгаль Орчны Мэдээлэл, Сургалт Сурталчилгааг түгээх зорилгоор бусад оролцогч талуудтай хамтран ажиллана. 

- Оролцогч талуудын эрх тэгш хамтын ажиллагааг дэмжих, хүртээмжтэй байдлыг хангах
- БОМСС-ны медиа материал, гарын авлагыг түгээн дэлгэрүүлэх, сайн туршлагыг таниулах
- Бусад холбогдолтой шинэлэг мэдээ мэдээлэл, медиа бүтээлийг санаачлан хамтран боловсруулах
- БОАЖЯ-ны ТХНУГазраас 2022 онд гаргасан БОМССС-ийн Үйл ажиллагааны төлөвлөгөө 2022-2024 хамтран хувь нэмэр оруулах
- БОМСС-ны кампанит ажлыг үндэсний болон бүс нутгийн хэмжээнд зохион байгуулах боломжийг бүрдүүлэх болон хүний нөөцийг бэлтгэх нэмэлт санхүүжилтийг хамтран босгох
- Залуучууд болон шийдвэр гаргагчид, байгалийн нөөц ашиглагчдын дунд  байгаль орчны талаарх мэдлэгийг дээшлүүлэх

Бид энэхүү санаачлагын хүрээнд байгаль орчны ямар асуудлыг шийдвэрлэхээр зорьж байна вэ?
Манай орны биологийн олон янз байдал эдийн засаг, соёл уламжлалын суурь болдог хэдий ч уур амьсгалын өөрчлөлт, байгалийн нөөцийн зохисгүй хэрэглээ нь тусгай хамгаалалттай газар нутгийн экосистемийг аюулд өртүүлээд байна. Гэтэл орон нутгийн иргэдийн ихэнхи хэсэг нь тусгай хамгаалалттай газрын орчны бүсийг тойрон амьдардгаас байгалийн баялагийг хэт ашиглах байдал газар авч байна Тухайлбал их ан агнуур хийх, хушны самрыг зүй бусаар түүх зэрэг буруу дадал хэвийн мэт болжээ. 

2020-2022 онуудад МХД судалгаа, чадавхийн хэрэгцээний үнэлгээг 4 үндсэн асуудлын хүрээнд 4 зорилтот бүлэгт хийсэн. Энэ нь БОАЖЯ-аас гаргасан БОМССС-ийн 10 алхамын үндэс болсон юм.