Алдарт филисофич Аристотелиос ишлэвэл “Нэг бүхэл нь хэд хэдэн тусдаа хэсэг байснаас хавь илүү дээр үр дүнтэй” гэжээ. Үүнтэй нэгэн адил Ногоон Монголын Төлөө санаачлагыг дэмжигч түншлэгч байгууллагууд БОМСС-ыг боловсронгуй, хүртээмжтэй болгохоор нэгдлээ.  Энэхүү санаачлагын зүйрлэвэл “ганцаараа явбал хурдан, олуулаа явбал хол явна”.

Монгол улсад байгаль орчныг хамгаалах салбарт олон улсын болон үндэсний байгууллагуудын олон төсөл хөтөлбөрүүд хэрэгждэг. UNDP ENSURE, GIZ SPACES төслүүд нь БОАЖЯ-нд ТХГН-ын менежмент, газар нутгийн хамгаалалт, байгальд ээлтэй нутгийн иргэдэд түшиглэсэн аялал жуулчлал, байгалийн нөөцийг тогтвортой ашиглах зэрэгт хууль эрх зүй, бодлогын хүрээнд зөвлөгөө өгч ажилладаг. Түүнчлэн төслийн хүрээнд БОМСС-ны мэдээ, медиа материалуудыг түгээхэд ихээхэн хөрөнгө оруулалт хийдэг байна.

Мөн БОАЖЯамны ТХГНУГ-ын тусгай хамгаалалттай газар нутгийн захиргааны сургалт, мэдээлэл хариуцсан мэргэжилтнүүд мэдээллийн төвдөө болон сургууль, эко клубуудтай хамтарсан сургалт, уулзалтыг тогтмол зохион байгуулж байгаль орчноо хамгаалахад өөрсдийн хувь нэмрээ оруулдаг.

Ийнхүү Ногоон Монголын Төлөө санаачлагад дээрх байгууллагууд нэгдэж БОМСС-ын сургалт, мэдээлэл, медиа материалыг шинэчлэн бүтээж, хүртээмжтэй болгохоор хамтран ажиллаж эхэллээ.