2023 оны 9 дүгээр сарын 30-аас 10 сарын 1-ны өдрүүдэд “Уур амьсгалын өөрчлөлтийн асуудлыг тусгай хамгаалалттай газар нутгийн менежментийн төлөвлөгөөнд тусгах нь” сэдэвт хоёр өдрийн зөвлөгөөнийг Завхан аймгийн Дөрвөлжин сум Хомын талын БЦГ зохион байгууллаа.

Зөвлөгөөнд Монгол орны баруун бүсийн ТХГН-уудын болон сав газруудын захиргаа, БОАЖГ-ын мэргэжилтэн, албан хаагчид оролцлоо. Ногоон Монголын Төлөө кампанит ажлын түншүүд болох Хомын талын тахь ТББ, Хүн төвтэй байгаль хамгаалал (PCC), GIZ SPACES төсөл зэрэг байгууллагууд уг семинарыг хамтран зохион байгууллаа.

Семинарт илтгэгчдээр зөвлөх Др.З. Батжаргал, Др. П. Гомболхүүдэв, Др. Г. Даваа нар оролцож Монгол орны баруун бүсийн уур амьсгалын өөрчлөлтийн асуудал, түүнийг ТХГН-ийн менежментийн төлөвлөгөөнд хэрхэн үр дүнтэй, үр дүнтэй тусгах талаар оролцогчидтай хамтран хэлэлцлээ.

Оролцогчид ажлын хэсэгт хуваагдан тулгамдаад буй асуудлуудыг ярилцлаа. Тухайлбал, ТХГН-ууд болон голын сав газрын захиргааны байгууллагуудын хамтын ажиллагааг нэмэгдүүлэх, шинжлэх ухааны байгууллага, төслүүдийн боловсруулсан уур амьсгалын өөрчлөлтийн судалгаа, тайланг ашиглах талаар санал солилцлоо.