2022 оны 4-р сард SPACES төслөөс Байгаль Орчны Мэдээлэл Сургалт Сурталчилгаа (БОМСС)-ны сургалтуудыг зохион байгуулаад байна. 3 өдрийн сургалтаар ТХГН-ын мэргэжилтнүүд, ТББ, Яам, судалгаа шинжилгээний болон хандивлагч байгууллагуудын 50 гаруй оролцогчид БОМСС-ны ажлыг хэрхэн явуулах талаар хамтдаа суралцаж, дадлага хийлээ. Сургалт Үзүүлэн Танилцуулга Чиглүүлэг (ҮТЧ) хийх гарын авлагын аргачлалын дагуу оролцоог хангасан, интерактив байдлаар зохион байгуулагдлаа.

Сургалтын үр дүнд оролцогчид БОМСС-ны ажлыг явуулах талаар нийтлэг ойлголтой болж, GIZ SPACES төслөөс боловсруулсан БОМСС-ны ToolBoxБОМСС-ны ToolBox (Сургалтын арга зүй, материал, Дадлага Ажлуудын Багц - ДАБ) болон MOVE(ҮТЧ) гарын авлагуудын зорилго, бүтэц, агуулгатай танилцаж, хэрхэн эдгээр гарын авлагуудыг ашиглах талаар сурлаа. Toolbox буюу ДАБ нь байгаль хамгаалагчид, эко клубүүд, ТББ-ууд сургалт, үйл ажиллагаандаа ашиглаж болохуйц БОМСС-ны тоглоом, дасгал бусад материалуудын багтаасан болно.  Түүнчлэн Экологийн боловсролын төв, Дэлхийн байгаль хамгаалах сан, Нүүдлийн байгаль хамгаалал зэрэг байгууллагууд өсвөр үеийнхэнд чиглэсэн задгай талбайн төсөл, байгаль ба адал явдалт жим зэрэг өөрсдийн БОМСС-ны шилдэг аргуудаас танилцууллаа.